დღეს რუსეთში მსოფლიოს 21-ე საფეხბურთო ჩემპიონატი დაიწყება

დღეს რუსეთში მსოფლიოს 21-ე საფეხბურთო ჩემპიონატი დაიწყება. ტურნირის გახსნითი ცერემონიალი და მატჩი თბილისის დროით, 19:00 საათზე გაიმართება. მოსკოვის „ლუჟნიკის“ სტადიონზე მასპინძელი რუსეთის გუნდი საუდის არაბეთს დაუპირისპირდება. მსოფლიო ჩემპიონატის პირდაპირ ტრანსლირებას საზოგადოებრივი მაუწყებელი უზრუნველყოფს.

ხვალ სამი შეხვედრა გაიმართება. ერთმანეთს ეგვიპტე-ურუგვაი (16:00 საათი), მაროკო - ირანი (19:00) და პორტუგალია - ესპანეთი (22:00) შეხვდებიან.

მსოფლიო ჩემპიონატზე სულ 32 გუნდი ასპარეზობს. ტურნირი ერთი თვის განმავლობაში გაგრძელდება, ფინალი კი 15 ივლისს, ასევე მოსკოვში გაიმართება.