დავით ჭიჭინაძე - კარგი იქნება, თუ მამუკა ბახტაძე პრემიერის რანგში გააგრძელებს იმ პოლიტიკას, რასაც ფინანსთა მინისტრობის დროს აფიქსირებდა

საპარლამენტო უმრავლესობის წევრი დავით ჭიჭინაძე გიორგი კვირიკაშილის ეკონომიკური პოლიტიკის მთავარ ხარვეზად „ბანკებთან მეტისმეტად ლოიალურ დამოკიდებულებას“ ასახელებს და ამ მიმართულებით ფინანსთა მინისტრ მამუკა ბახტაძის ხედვას იზიარებს. ამის შესახებ ჭიჭინაძემ „ქართული ოცნების“ ოფისში საპარლამენტო უმრავლესობის სხდომის დაწყებამდე განაცხადა.

„ზოგადად, ის განცხადებები, რაც მამუკა ბახტაძის მიერ ჟღერდებოდა ბანკებთან მიმართებაში, აბსოლუტურად თანხვედრაშია ჩემს პოზიციასთან. მე ვფიქრობ, ეს იქნება ძალიან კარგი მიმართულება, თუ პრემიერ-მინისტრის რანგში გააგრძელებს იგივე პოლიტიკას, რასაც აფიქსირებდა ფინანსთა მინისტრობის დროს“, - განაცხადა ჭიჭინაძეს.

რაც შეეხება შს მინისტრ გიორგი გახარიას კანდიდატურას, ჭიჭინაძე აცხადებს, რომ გიორგი გახარია იყო ეკონომიკის მინისტრიც, თუმცა ბანკებთან მიმართებაში მსგავსი პოზიცია არ დაუფიქსირებია.

„მე პირველი დღიდან, საარჩევნო კამპანიიდან მოყოლებული ყოველთვის ვაფიქსირებდი, რომ ბანკები ხელს უშლიან ქვეყნის ეკონომიკურ განვითარებას. იგივე დააფიქსირა ბახტაძემ. თუ გვინდა დავძლიოთ ეკონომიკური პრობლემები, უნდა შევზღუდოთ ბანკები. არ შეიძლება ქვეყანაში ერთი სტრუქტურა მდიდრდებოდეს წელიწადში მილიარდით და დანარჩენი მოსახლეობა სამ-სამი და ოთხ-ოთხი მილიარდით ვალს იღებდეს“, - განაცხადა დავით ჭიჭინაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს