გია გაჩეჩილაძე - ნიღაბს რომ ჩამოიხსნის მარგველაშვილი, მერე დაინახავს საზოგადოება, რა მასკარადშიც მონაწილეობს პრეზიდენტი

ნიღაბს რომ ჩამოიხსნის მარგველაშვილი, მერე დაინახავს საზოგადოება, რა მასკარადშიც მონაწილეობს პრეზიდენტი, - ამის შესახებ საპარლამენტო უმრავლესობის წევრმა, გია გაჩეჩილაძემ "ქართული ოცნების" ოფისში შეხვედრის დაწყებამდე განაცხადა. გაჩეჩილაძე პრეზიდენტის დღევანდელ განცხადებას გამოეხმაურა. მისი თქმით, მარგველაშვილი საპრეზიდენტო არჩევნებში აპირებს მონაწილეობის მიღებას და საზოგადოების ყურადღების მიპყრობას ცდილობს.

"მასკარადი ის არ არის ნიღბებით რომ დადიან? აი, ნიღაბს რომ ჩამოიხსნის მარგველაშვილი, მერე დაინახავს საზოგადოება, რა მასკარადში მონაწილეობს უშუალოდ თვითონ. პრეზიდენტი გარკვეულწილად თამაშობს. ის ცდილობს, რომ საზოგადოების ყურადღება მოიკრიბოს, რადგან საპრეზიდენტო არჩევნებში აპირებს მონაწილეობის მიღებას. ეს არის მთელი მისი ფილოსოფია.

რაც შეეხება იმ პროცესს, რაც ახლა ხდება, ეს არის ჩვეულებრივი პროცესი, რომელიც დამახასიათებელია საპარლამენტო რესპუბლიკებისათვის. ხშირად ხდება ხოლმე პრემიერების და მთავრობის ცვლა ნებისმიერ ევროპულ ქვეყანაში", - განაცხადა გაჩეჩილაძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს