ნუკრი ქანთარია - თუ მართალია ინფორმაცია, რომ თითქოს მამუკა ბახტაძემ 2012 წელს “ნაციონალური მოძრაობა“ დააფინანსა, რა საკვირველია, ეს წამოსაძახებელი იქნება

თუკი მართალია ინფორმაცია, რომ თითქოს მამუკა ბახტაძემ 2012 წელს “ნაციონალური მოძრაობა“ დააფინანსა, რა საკვირველია, ეს წამოსაძახებელი იქნება, - ამის შესახებ “ინტერპრესნიუსს“ “ქართული ოცნების“ დეპუტატმა ნუკრი ქანთარიამ განუცხადა.

“არ ვიცი, რამდენად რეალური ინფორმაციაა, რომლის მიხედვით, მამუკა ბახტაძემ 2012 წლის აგვისტოში “ერთიანი ნაციონალური მოძრაობა“ დააფინანსა - არის ეს შემოგდებული ხრიკი თუ ასახავს რეალურ ფაქტს. თუკი ეს მართალია, რა საკვირველია, წამოსაძახებელი იქნება“, - განაცხადა ქანთარიამ.

აქვე მან აღნიშნა, რომ მისთვის ჯერ უცნობია, რამდენად განიხილება პრემიერ-მინისტრად მამუკა ბახტაძის კანდიდატურა.

მედიაში გავრცელებული ინფორმაციით, 2012 წლის არჩევნების წინ მამუკა ბახტაძემ “ნაციონალურ მოძრაობას“ 20 ათასი ლარი შესწირა.

ასევე, წინასწარი ინფორმაციით, მმართველი უმრავლესობა პრემიერ-მინისტრის პოსტზე მამუკა ბახტაძეს წარადგენს.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში