ყაზბეგში უბედური შემთხვევის შედეგად დაღუპული მამა-შვილი, სავარაუდოდ ინდოეთის მოქალაქეები არიან

ყაზბეგში, სტეფანწმინდაში უბედური შემთხვევის შედეგად დაღუპული მამა-შვილი სავარაუდოდ, ინდოეთის მოქალაქეები არიან. საგანგებო სიტუაციების მართვის სამსახურის ინფორმაციით, სტეფანწმინდაში უბედური შემთხვევის შედეგად 2 ადამიანია გარდაცვლილი. მათივე ცნობით, მოქალაქეები, რომლებიც კვადროციკლით გადაადგილდებოდნენ, გზის სავალი ნაწილიდან ხევში გადავარდნენ.

„გარდაცვლილები, სავარაუდოდ, ინდოეთის მოქალაქეები არიან. ცხედრების ამოსაყვანად ადგილზე მუშაობს საგანგებო სიტუაციების მართვის სამსახურის 3 სამაშველო ჯგუფი“, -ნათქვამია ინფორმაციაში.