თბილისის საკრებულოს სახელდებისა და სიმბოლიკის კომისიის თავმჯდომარემ თინათინ ნიბლოშვილმა კრწანისი რაიონის გამგებელთან ლევან ჯაფარიძესთან ერთად რაიონში მდებარე ახალი პარკი დაათვალიერა.

როგორც „ინტერპრესნიუსს“ თბილისის საკრებულოდან აცნობეს, თინათინ ნიბლოშვილის განცხადებით, პარკისთვის ოკუპაციის მსხვერპლთა სახელის მინიჭების იდეა დედაქალაქის მერს კახა კალაძეს ეკუთვნის.

მისივე თქმით, აღნიშნულ ინციატივას საკრებულოს წევრები სახელდებისა და სიმბოლიკის უახლოეს სხდომაზე განიხილავენ და შესაბამისი პროცედურების გავლის შემდეგ საკითს უკვე საკრებულოს სხდომაზე უყრიან კენჭს.

„სახელდების პროცესის პარალელურად თბილისის მერია პარკში ოკუპაციის მსხვერპლთა მემორიალის განთავსების მიზნით საჭირო ღონისძიებების გატარებას დაიწყებს“, - განაცხადა თინათინ ნიბლოშვოლმა.

ლევან ჯაფარიძის ინფორმაციით, პარკში, რომელიც დაახლოებით, 10 000 კვადრატულ მეტრ ფართობზეა განთავსებული, იშვიათი ჯიშის ხე-მცენარეებია გაშენებული. პარკი კეთილმოწყობილია და აქვე ფეხბურთისა და კალათბურთების სათამაშო მოედნებია განთავსებული.