ირაკლი კობახიძე - ჩვენ ვიცით მამუკა ბახტაძის პრინციპიები, მისი ღირებულებები, ვიცით მისი გუნდურობის შესახებ და ამ პრინციპებით იმოქმედებს ის

ჩვენ ვიცით მამუკა ბახტაძის პრინციპიები, მისი ღირებულებები, ვიცით მისი გუნდურობის შესახებ და ამ პრინციპებით იმოქმედებს ის, - ამის შესახებ საქართველოს პარლამენტის თავმჯდომარემ, ირაკლი კობახიძემ ჟურნალისტებს იმ საკითხის კომენტირებისას განუცხადა, რომლის თანახმადაც, მამუკა ბახტაძემ 2012 წლის აგვისტოში 20 ათასი ლარი „ნაციონალურ მოძრაობას“ შესწირა.

კობახიძის თქმით, იგი ამის შესახებ ინფორმაციას არ ფლობს, თუმცა, ყველა კითხვას პასუხს ბახტაძე გასცემს. „ვერ გეტყვით, არანაირი ინფორმაცია არა მაქვს. ყველა კითხვას ბატონი მამუკა გასცემს პასუხს. ჩვენთვის მთავარია ერთი რამ, ვიცით მამუკა ბახტაძის პრინციპიები, მისი ღირებულებები, ჩვენ ვიცით მისი გუნდურობის შესახებ და ამ პრინციპებით იმოქმედებს მამუკა ბახტაძე, ამაში ვართ დარწმუნებული და აქედან გამომდინარეობდა ჩვენი გადაწყვეტილება მისი დასახელების თაობაზე“, - განაცხადა ირაკლი კობახიძემ.

როგორც კობახიძემ აღნიშნა, მამუკა ბახტაძემ ფინანსთა მინისტრობის რამდენიმეთვიან პერიოდში შეძლო ისეთი ინიციატივების წარდგენა, რომელმაც გამოიწვია სერიოზული პოზიტიური ძვრები ეკონომიკურ განვითარებაში.

„მას აქვს ასეთი ინიციატივები, აქვს ასეთი გამოცდილება და დარწმუნებული ვართ, კიდევ ერთხელ, როდესაც წარდგება პარლამენტის წინაშე, ის წარმოადგენს ახალ ინიციატივებს, რომელთა მიზანი იქნება ჩვენი ეკონომიკური განვითარების კიდევ უფრო მეტად დაჩქარება, რომლის მიზანი იქნება ჩვენი ქვეყნის შემდგომი წინსვლა და განვითარება“, - აღნიშნა კობახიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს