მედია - დონალდ ტრამპის განცხადებით, ყირიმი რუსეთის იმიტომაა, რომ ვინც ნახევარკუნძულზე ცხოვრობს, ყველა რუსულად საუბრობს

აშშ-ის პრეზიდენტმა დონალდ ტრამპმა „დიდი შვიდეულის“ ლიდერებს განუცხადა, რომ ყირიმი რუსეთის იმიტომაა, რომ ვინც ნახევარკუნძულზე ცხოვრობს, ყველა რუსულად საუბრობს.

ტრამპის განცხადება გასულ პარასკევს გაჟღერდა „დიდი შვიდეულის“ ლიდერებთან ვახშმისას - წერს „BuzzFeed News“ დიპლომატიურ წრეებში ორ სანდო წყაროზე დაყრდნობით. ამავე გამოცემის ცნობით, ვახშმის დროს ტრამპი ასევე დაინტერესდა, რატომ არ დადგნენ ლიდერები უკრაინის მხარეს. მისი განცხადებით, „უკრაინა მსოფლიოს ერთ-ერთი ყველაზე კორუმპირებული ქვეყანაა“, - აცხადებს გამოცემის წყარო.

გამოცემის მიხედვით, გაუგებარია, იყო თუ არა ტრამპის კომენტარები ხუმრობა. თეთრ სახლში ამ ინფორმაციის კომენტირებაზე უარი განაცხადეს. თავად ამერიკის პრეზიდენტმა კი აღნიშნა, რომ კვებეკში გამართულ „დიდი შვიდეულის“ სამიტზე საუბრების მეოთხედი ნაწილი რუსეთს დაეთმო.