ნუკრი ქანთარია - მამუკა ბახტაძეს ეტყობა, რომ ძალიან კარგი ოჯახის შვილია

მამუკა ბახტაძეს ეტყობა, რომ ძალიან კარგი ოჯახის შვილია, - ამის შესახებ საპარლამენტო უმრავლესობის წევრმა, ნუკრი ქანთარიამ „პალიტრანიუსის“ გადაცემაში „360 გრადუსი“ განაცხადა. მისი თქმით, მომავალი პრემიერ-მინისტრი წესიერი ადამიანის შთაბეჭდილებას ტოვებს.

„მამუკა ბახტაძეს ეტყობა, რომ ძალიან კარგი ოჯახის შვილია. ამას დიდი მნიშვნელობა აქვს ხოლმე ჩემთვის. წესიერი ადამიანის შთაბეჭდილებას ტოვებს, კონტაქტურია. მისი პირველი გამოსვლაც მახსოვს ფინანსთა მინისტრის რანგში. საკმაოდ მძიმე კითხვები დაუსვეს და კარგად გაართვა თავი. მტკიცედ, მშვიდად და ამავე დროს გაბედულად უპასუხა ყველა კითხვას. თავი არავის დააჩაგვრინა“, - აღნიშნა ნუკრი კანთარიამ.

მისივე თქმით, პრემიერ-მინისტრის პოსტზე გიორგი გახარიას კანდიდატურაც განიხილებოდა, თუმცა მას ძალოვან სტრუქტურებში რეფორმები აქვს განსახორციელებელი და ეს საქმე ბოლომდე უნდა მიიყვანოს.

„გახარიას იმდენად დიდი საქმე აქვს დაწყებული, რომ ბოლომდე უნდა მიიყვანოს. რეფორმების ხანა იწყება ძალოვან სტრუქტურებში. ახლა ამ ჯაჭვის გაწყვეტა არასწორი იქნება. აქედან გამომდინარე, მამუკა ბახტაძე ის მინისტრია, რომელიც ეკონომიკას ფლობს, ამ სიღრმეებს სწვდება და იქიდან გამომდინარე, რომ ჩვენი ყველაზე მთავარი პრობლემა მაინც სწორედ ესაა, არჩევანი გაკეთდა ამ ახალგაზრდა კაცზე“, - განაცხადა ნუკრი ქანთარიამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს