ირაკლი კობახიძე - მამუკა ბახტაძეს აქვს ძალიან ღრმა განათლება, მრავალმხრივი გამოცდილება და უნარი, რომ მართოს ქვეყანა

მამუკა ბახტაძეს აქვს ძალიან ღრმა განათლება, მრავალმხრივი გამოცდილება და უნარი, რომ მართოს ქვეყანა, - ამის შესახებ პარლამენტის თავმჯდომარემ ირაკლი კობახიძემ განაცხადა.

„საპარლამენტო უმრავლესობამ მიიღო უმნიშვნელოვანესი გადაწყვეტილება. ჩვენ შევარჩიეთ ძალიან ღირსეული კანდიდატი პრემიერ-მინისტრის პოზიციაზე. ეს გადაწყვეტილება მიღებული იყო კონკრეტული კრიტერიუმების საფუძველზე. ბატონი მამუკა ბახტაძე არის გამორჩრეული როგორც თავისი განათლებით, ასევე, მრავალმხრივი გამოცდილებით. მას აქვს მართვის ძალიან სერიოზული გამოცდილება. ის არის ძალიან სერიოზული ექსპერტი, განსაკუთრებით ეკონომიკის მიმართულებით. მას აქვს ძალიან ღრმა განათლება, მრავალმხრივი გამოცდილება, უნარი იმის, რომ მართოს ქვეყანა და დარწმუნებული ვარ, რომ ის ძალიან დიდი წარმატებით უზრუნველყოფს ჩვენი ქვეყნის წინსვლას“, - განაცხადა კობახიძემ.

მისი თქმით, მამუკა ბახტაძე გამოდიოდა მნიშვნელოვანი ინიციატივებით, რომელთა შედეგები უკვე სახეზეა. „როდესაც ბატონი მამუკა წარდგება პარლამენტის წინაშე სამთავრობო პროგრამით, ამ პროგრამაში ასახული იქნება ახალი ინიციატივები, რომლებიც დააჩქარებს ამ ქვეყანაში ეკონომიკურ განვითარებას“, - განაცხადა კობახიძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა