კახა კალაძე - მინისტრთა კაბინეტის ფორმირებაზე მამუკა ბახტაძის ხელმძღვანელობით გაიმართება კონსულტაციები

მინისტრთა კაბინეტის ფორმირებაზე, მამუკა ბახტაძის ხელმძღვანელობით გუნდში კონსულტაციები გაიმართება, - ამის შესახებ „ქართული ოცნების“ გენერალურმა მდივანმა, თბილისის მერმა კახა კალაძემ „ქართული ოცნების“ ოფისში, პრემიერ-მინისტრობის კანდიდატად მამუკა ბახტაძის წარდგენის შემდეგ განაცხადა.

კახა კალაძემ მამუკა ბახტაძის კანდიდატურის განხილვის პროცედურებზეც ისაუბრა და აღნიშნა, რომ გუნდში მისი კანდიდატურა ერთხმად იქნა მიღებული.

„დღეს იყო შეხვედრა უმრავლესობასთან, მანამდე იყო პოლიტსაბჭოს შეხვედრა, სადაც განხილულ იქნა მამუკა ბახტაძის კანდიდატურა. ყველას მხრიდან იყო თანხმობა. ამის შემდეგ უმრავლესობაში მოხდა მსჯელობა და იქნა მიღებული გადაწყვეტილება, რომ მამუკა ბახტაძე იყოს წარდგენილი პრემიერ-მინისტრის კანდიდატად.

რაც შეეხება იმ მიმართულებებს რაზეც მამუკამ თავადვე ისაუბრა, ეს არის ქვეყნის სწრაფი ეკონომიკური განვითარება, ასევე ის რეფორმები, რომელიც უნდა განხორციელდეს. მგონია, რომ ჩვენ საერთო ძალებით შევძლებთ ვუპასუხოთ იმ გამოწვევებს, რომელიც დღეს არსებობს ქვეყანაში. ამით ჩვენ შევძლებთ, რომ დავძლიოთ ის პრობლემები, რომელიც დღეს აქტუალურია ქვეყანაში.

რაც შეეხება მინისტრთა კაბინეტს, ამასთან დაკავშირებით მამუკას ხელმძღვანელობით გაიმართება კონსულტაციები გუნდში და თუ ვინ იქნება წარდგენილი მინისტრების თანამდებობაზე, ცნობილი გახდება უახლოეს დღეებში“, -განაცხადა კახა კალაძემ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს