ექიმების ინფორმაციით, მუხაესტატეს პოლიციის უფროსს ჭრილობა ბასრი საგნით გულმკერდისა და მუცლის არეში ჰქონდა მიყენებული. ის დაჭრილ მდგომარეობაში სამართალდამცავებმა შემთხვევის ადგილიდან ქობულეთის რაიონულ საავადმყოფოში მიიყვანეს. ექიმების ინფორმაციით, დაჭრილი მამაკაცი საავადმყოფოში მიყვანიდან ერთ საათში გარდაიცვალა.
ამ დრომდე უცნობია რა გახდა მუხაესტატეს პოლიციის უფროსის მოკვლის მიზეზი. გავრცელებული ინფორმაციით, იგი ამავე სოფლის მკვიდრმა მოკლა.
ფაქტზე გამოძიება "სისხლის სამართლის კოდექსის, 108-ე მუხლით მიმდინარეობს, რაც განზრახ მკვლელობას გულისხმობს.
ცხედარს ამ დროისათვის ექსპერტიზა უტარდება.