ბორჯომის მუნიციპალიტეტის სოფელ რველში ბანიხევის გზის პირველი მონაკვეთის სამუშაოები დასრულდა. როგორც „ინტერპრესნიუსს“ ბორჯომის მუნიციპალიტეტიდან აცნობეს, პროექტი დაათვალიერეს.

„ადგილზე 1 400მ სიგრძის რკინა-ბეტონის საფარი მოეწყო. აღნიშნულ მონაკვეთზე გზის საფარი არასოდეს ყოფილა. რთული რელიეფისა და ციცაბო გრუნტის გზის გამო, ფეხით მოსიარულეებისა და ტრანსპორტისათვის გადაადგილება განსაკუთრებულ დისკომფორტს წარმოადგენდა. ადგილობრივები დღეს უკვე კეთილმოწყობილი საგზაო ინფრასტრუქტურით სარგებლობენ.

ბანისხევის უბანში პროექტით ასევე გათვალისწინებულია 1430 მეტრი სიგრძის ასფალტის საფარის მოწყობაც.

სამუშაოები რეგიონალური განვითარების ფონდისა და ბორჯომის მუნიციპალიტეტის თანადაფინანსებით ხორციელდება“, - ნათქვამია ინფორმაციაში.