ზაქარია ქუცნაშვილი - მე არ ველოდები, რომ პარლამენტიდან ვინმეს მიიწვევენ მთავრობაში

მე არ ველოდები, რომ პარლამენტიდან ვინმეს მიიწვევენ მთავრობაში, - ამის შესახებ საპარლამენტო უმრავლესობის წევრმა, ზაქარია ქუცნაშვილმა დღეს გამართულ პრესკონფერენციაზე განაცხადა.

ჟურნალისტები დაინტერესდნენ, ახალ სამთავრობო გუნდში იქნებიან თუ არა ადამიანები დეპუტატების რიგებიდან, ქუცნაშვილმა უპასუხა, რომ რადიკალურად ამის გამორიცხვა არ შეიძლება, თუმცა პირადად ის ამას არ ელოდება.

"მე არ ველოდები, რომ პარლამენტიდან ვინმეს მიიწვევენ მთავრობაში. იმის გამო, რომ ჩემი დაკვირვებით, ახალი პრემიერი შეეცდება თავის სამუშაო გარემოში არსებული ადამიანები მიიწვიოს, თუმცა გამორიცხვით არაფრის გამორიცხვა არ შეიძლება. გასაკვირი არაფერი იქნება. პარლამენტი შემადგენლობის დაკომპლექტებაში არ ერევა", - განაცხადა ზუქცნაშვილმა.

დეპუტატის თქმით, მისი მხრიდან მამუკა ბახტაძისთვის მითითება, რომელი მინისტრი მიიწვიოს მთავრობის ახალ შემადგებლობაში, არასწორი იქნება.

კითხვაზე, უნდა მოხდეს თუ არა სამინისტროების ოპტიმიზაცია კიდევ უფრო, ქუცნაშვილი პასუხობს, რომ შესაძლებელია კიდევ 2-3 უწყების შერწყმა ერთმანეთთან.

მისივე თქმით, პრემიერობის კანდიდატი დღეს წარედგინება პრეზიდენტს, რომ მან ფორმალურად წარადგინოს მამუკა ბახტაძე კანდიდატად.

"მე ვვარაუდობ, რომ მომავალ კვირას არ გადაცილდება პარლამენტის რიგგარეშე სხდომა, სადაც მინისტრთა კაბინეტს და მათ პროგრამას მოვუსმენთ და ნდობას გამოვუცხადებთ", - განაცხადა ქუცნაშვილმა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია