მამუკა მდინარაძე - პარლამენტარი მოკლებულია შესაძლებლობას ილაპარაკოს მთავრობაში დაგეგმილ რომელიმე ცვლილებაზე ან მინისტრის რომელიმე კანდიდატურაზე

პარლამენტარი მოკლებულია შესაძლებლობას ილაპარაკოს მთავრობის შემადგენლობაში დაგეგმილ რომელიმე ცვლილებაზე ან მინისტრობის რომელიმე კანდიდატურაზე, - ასე უპასუხა ფრაქცია “ქართული ოცნების“ თავმჯდომარემ მამუკა მდინარაძემ მინისტრთა კაბინეტში დაგეგმილ ცვლილებებთან დაკავშირებით დასმულ კითხვას.

სამთავრობო ცვლილებებთან დაკავშირებით მდინარაძე მხოლოდ იმას ამბობს, რომ პარლამენტი მთავრობის განახლებულ შემადგენლობაში კონკრეტული კანდიდატების შერჩევას და წარდგენას პრემიერ-მინისტრობის კანდიდატისგან ელის.

“მინისტრთა კაბინეტში გასატარებელ ცვლილებებზე ვერც ერთ სიტყვას ვერ გეტყვით, პასუხს ვერც ერთ პერსონასთან დაკავშირებით ვერ გაგცემთ, რადგან კანდიდატების შერჩევა არის პრემიერ-მინისტრის პრეროგატივა. მან უნდა წარმოადგინოს და შემდეგ განვიხილოთ გუნდში. აქედან გამომდინარე, პარლამენტარი მოკლებულია შესაძლებლობას ილაპარაკოს რომელიმე ცვლილებაზე ან მინისტრის რომელიმე კანდიდატურაზე“, - განუცხადა “ინტერპრესნიუსს“ მამუკა მდინარაძემ.

გიორგი კვირიკაშვილმა პრემიერ-მინისტრის პოსტი დატოვა. მისი თანამდებობიდან გადადგომით უფლებამოსილება მთელ მინისტრთა კაბინეტს შეუწყდა.

უმრავლესობამ მთავრობის მეთაურის თანამდებობაზე მამუკა ბახტაძე წარადგინა.

თამარ ჩუგოშვილი - მე მგონი, ადამიანი არ დადის, ვისაც სჯერა, რომ უცებ მოხდა ამბოხი უმრავლესობაში - თვალში ნაცარი არავის უნდა შევაყაროთ
ქართული პრესის მიმოხილვა 14.12.2019
ვახტანგ ძაბირაძე  -  თუ სახელმწიფოს მართვის სისტემის შეცვლა გინდა, იმ გზას კი არ უნდა გადიოდე, რომელიც შენმა წინამორბედმა გაიარა
კომპანია „ფრეგოს“ მთავარი ინვესტორი განცხადებას ავრცელებს
„კავკასუს როუდ პროჯექტმა“ ბიზნეს პროცესების ავტომატიზაცია BDO-სთან პარტნიორობით განახორციელა
"Sarajishvili 2020" - უნიკალური გემოსა და დიზაინის მქონე სასმელი ამაღლებული საახალწლო განწყობისთვის
საფეხბურთო კლუბი „სამტრედია“ უმაღლეს ლიგაში გადავიდა
Archdaily „ლისი დეველოპმენტის“ პროექტების შესახებ სტატიას აქვეყნებს
ჩინური კომპანია POWERCHINA/SINOHYDRO 202-ე უსინათლო ბავშვთა საჯარო სკოლას ეწვია