დონალდ ტრამპის განცხადებით, ბარაქ ობამა მზად იყო, ჩრდილოეთ კორეასთან ომი დაეწყო

აშშ-ს პრეზიდენტის დონალდ ტრამპის განცხადებით, მისი წინამორბედი ბარაქ ობამა მზად იყო, ჩრდილოეთ კორეასთან ომი დაეწყო. ამის შესახებ თეთრი სახლის ლიდერმა ტელეარხ Fox News-ის ეთერში განაცხადა.

„როდესაც მე პრეზიდენტ ობამას ვესაუბრე, ის, პრინციპში, მზად იყო, ჩრდილოეთ კორეასთან ომი დაეწყო“, - განაცხადა ტრამპმა.

მისივე თქმით, ჩრდილოეთ კორეის ლიდერ კიმ ჩენ ინთან მას კარგი პირადი ურთიერთობები ჩამოუყალიბდა.

„ჩვენ საერთო ენა გამოვნახეთ და ჩვენს შორის ურთიერთგაგება დამყარდა“, - აღნიშნა თეთრი სახლის ლიდერმა.