რიმა ბერაძე - ბინათმესაკუთრეთა ამხანაგობის მუხლში შეტანილი ცვლილებები თანხის შემცირებას არ გულისხმობს

თბილისის საკრებულოს სარევიზიო კომისიის თავმჯდომარემ რიმა ბერაძემ საკრებულოს სხდომაზე, თბილისის ბიუჯეტში შესატან ცვლილებებზე ისაუბრა. როგორც „ინტერპრესნიუსს“ თბილისის მუნიციპალიტეტის საკრებულოდან აცნობეს, დეპუტატის განმარტებით, გაზრდილი ბიუჯეტი იმ განსაკუთრებულ მიმართულებებს მოხმარდება, რომლებიც ქალაქს ყველაზე მეტად სჭირდება.

რიმა ბერაძე საკრებულოს ოპოზიციის წარმომადგენლებსაც გამოეხმაურა და აღნიშნა, რომ გიორგი გაბაშვილის განცხადება იმის შესახებ, თითქოს ბინათმესაკუთრეთა ამხანაგობების ხელშეწყობის პროგრამის მუხლში ბიუჯეტი მცირდება სიმართლეს არ შეესაბამება. როგორც დეპუტატმა აღნიშნა, ოპოზიციონერი კოლეგები, ხშირ შემთხვევაში არ ესწრებიან იმ კომისიურ განხილვებს, რომლებიც საკრებულოს სხდომას უძღვის წინ და მათი მთავარი მიზანი მხოლოდ კამერების წინ პოზირებაა.

„ბინათმესაკუთრეთა ამხანაგობის მუხლში შეტანილი ცვლილებები თანხის შემცირებას არ გულისხმობს. აქ საუბარია, ტენდერებიდან გამოთავისუფლებული ეკონომიების გადანაწილებაზე ისეთ მნიშვნელოვან პროგრამებსა და ქვეპროგრამებზე, როგორიცაა, ტრანსპორტის განვითარება, ინფრასტრუქტურა, კეთილმოწყობა და სხვა“, - განაცხადა რიმა ბერაძემ.

დავით ნარმანია - თუ არ გვინდა გაგვიძვირდეს ტარიფები, უნდა ავაშენოთ ჰესები
ქართული პრესის მიმოხილვა 22.10.2019
დიმიტრი შველიძე  -  მომავალი პარლამენტი ნაყიდი დეპუტატებით და ფრაქციებით აივსება
სასტუმრო „რადისონ ბლუ ივერიამ“ 10 წლის იუბილე აღნიშნა