"ქართული ოცნების" წარმომადგენელსა და „ნაციონალური მოძრაობის“ წევრს შორის მომხდარი დაპირისპირების შედეგად ერთი პირია დაკავებული

ოზურგეთის გუბერნიის თანამშრომელსა და დაბა ნასაკირალის მკვიდრს შორის ინციდენტი მოხდა,- ამის შესახებ "ინტერპრესნიუსს" ოზურგეთის საკრებულოს "ერთიანი ნაციონალური მოძრაობის" წევრმა დავით მჟავანაძემ განუცხადა.

როგორც მან აღნიშნა, ინციდენტის დროს "ქართული ოცნების" წარმომადგენელმა „ნაციონალური მოძრაობის“ აქციის მონაწილის მიმართ პროვოკაცია განახორციელა, რის საფუძველზეც ისინი ერთმანეთს სიტყვიერად დაუპირისპირდნენ. დავით მჟავანაძის ინფორმაციით, სამართალდამცველებმა ნასაკირალის მცხოვრები, „ნაციონალური მოძრაობის“ წარმომადგენელი დააკავეს.

ოპოზიციის წარმომადგენელი ამბობს, რომ აქციის მონაწილეები ოზურგეთის პოლიციის განყოფილებასთან იმყოფებიან და დაკავებულის გათავისუფლებას ითხოვენ. "ოზურგეთის მერიასთან აქცია მიმდინარეობდა, როდესაც "ქართული ოცნების" აქტივისტი, გუბერნიაში დასაქმებული პირი გამოვიდა და აქციის მონაწილეს სიტყვიერი შეურაცხყოფა მიაყენა. ჩვენ ვითხოვდით განმარტებას, თუ რატომ დაესხნენ თავს დეპუტატ ბესო ქათამაძეს. იყო ფიზიკური და სიტყვიერი დაპირისპირებაც. ვითხოვთ დაკავებულის გათავისუფლებას და ბესო ქათამაძეზე თავდასხმის ფაქტის გამოძიებას", - განაცხადა დავით მჟავანაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა