კახა კოჟორიძე - გიორგი კვირიკაშვილის პრემიერ-მინისტრის თანამდებობიდან წასვლის მიზეზი პოლიტიკური კრიზისი გახდა, რაც ბოლო პერიოდის განმავლობაში შეიქმნა

გიორგი კვირიკაშვილის პრემიერ-მინისტრის თანამდებობიდან წასვლის მიზეზი პოლიტიკური კრიზისი გახდა, რაც ბოლო პერიოდის განმავლობაში შეიქმნა, - ამის შესახებ პრეზიდენტის მრჩეველმა ადამიანის უფლებათა საკითხებში კახა კოჟორიძემ “პალიტრანიუსის“ გადაცემა “360 გრადუსში“ განაცხადა.

როგორც ამ კონტექსტში კოჟორიძემ განმარტა, სამართლაინობის აღდგენის დაპირების მიუხედავად, მოხდა ისე, რომ “ქართული ოცნების“ ხელისუფლებამ იმ სისტემაზე დადო ფსონი, რომელი სისტემის წინააღმდეგაც 2012 წელს ქუჩაში ასიათასობით ადამიანი გამოვიდა.

“ამაზე საუბარი ერთი თვის წინ არ დაწყებულა. ბოლო ექვსი წელია მიდის საუბარი, რომ ქვეყანაში საჭიროა სამართლიანობის აღდგენა, რომ არ უნდა დაიდოს ფსონი იმ მოსამართლეებზე, ვინც ასეთ გადაწყვეტილებებს იღებდნენ, რომ უნდა შეიცვალოს სისტემა, ხედვები და კადრები პროკურატურაში, შს სამინისტროში და სხვა სამართლადამცავ ორგანოებში. ამ პრობლემის დიაგნოზი ჩვენ უკვე იმ აქციებზე ვიხილეთ, სადაც არაერთი შვილმკვდარი მშობელი გამოვიდა, რომლებიც თავის ტკივილს საქვეყნოდ აცხადებდნენ“, - განაცხადა კახა კოჟორიძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს