კრიზისული ვითარება ქვეყანაში არსებობს სოციალური თვალსაზრისით, თუმცა ძალიან ბევრი რამ გაკეთდა ამ პრობლემების მოსაგვარებლად, - ამის შესახებ „პალიტრანიუსის“ გადაცემაში „360 გრადუსი“ საპარლამენტო ფრაქცია „ქართული ოცნება – მწვანეების“ თავმჯდომარემ გია გაჩეჩილაძემ განაცხადა.

დეპუტატის თქმით, აღნიშნულთან მიმართებით საგარეო ფაქტორებმაც იმოქმედა. გია გაჩეჩილაძე აღნიშნავს, რომ ახლა ნელ-ნელა ხდება კრიზისის დაძლევა.

„კრიზისული ვითარება ქვეყანაში არსებობს სოციალური თვალსაზრისით, თუმცა ძალიან ბევრი რამ გაკეთდა ამ პრობლემების მოსაგვარებლად. მაგრამ ისე მოხდა, რომ 2014 წლის ბოლოსთვის გლობალური ფინანსური კრიზისი დაიწყო. საქართველოში ეს ძალიან მძიმედ აისახა და ახლა ნელ-ნელა ამ კრიზისის დაძლევა ხდება. ამან გამოიწვია ქვეყანაში ინფლაციის დონის მატება, გაიზარდა ფასები და ბუნებრივია, რომ ამან საკმაოდ სერიოზული პრობლემები შეუქმნა მოსახლეობას“, - განაცხადა გია გაჩეჩილაძე.