„ჩერნოვეცკის საქველმოქმედო ფონდის“ დღის ცენტრში ნარდის მოყვარულთა ტურნირი გაიმართა

ჩერნოვეცკის საქველმოქმედო ფონდის დღის ცენტრში ნარდის მოყვარულთა ტურნირი გაიმართა, - ამის შესახებ „ინტერპრესნიუსს“ „ჩერნოვეცკის საქველმოქმედო ფონდიდან“ აცნობეს.

მათივე ინფორმაციით, საქველმოქმედო ფონდის დღის ცენტრში ჩატარებულ ნარდის მოყვარულთა ტურნირში მონაწილეობა 30-ზე მეტმა ბენეფიციარმა მიიღო. შეჯიბრი ოლიმპიური სისტემით წარიმართა. პირველი ადგილი თამაზ გოგორიშვილმა დაიკავა, მეორე ადგილზე ვახტანგ სამადაძე გავიდა, ხოლო მესამე ადგილი დანა ხასაევამ მოიპოვა. გამარჯვებულებს გადაეცათ საპატიო სიგელები, მედლები და ფასიანი საჩუქრები.

„ეს არ არის პირველი შემთხვევა, როდესაც ჩვენ სამაგიდო თამაშებში ტურნირს ვაწყობთ. ადრეც არაერთხელ გაგვიმართავს ამგვარი შეჯიბრება, თუმცა ნარდის ეს ტურნირი განსაკუთრებულად წარმატებულად ჩატარდა, რამეთუ იგი თავად ბენეფიციართა თხოვნით მოეწყო. ვცდილობთ, ჩვენი დღის ცენტრის სტუმრებს კომფორტული გარემო შევუქმნათ და ხელი შევუწყოთ სოციალურად დაუცველი ადამიანების სოციალურ რეაბილიტაციას“, - განაცხადა „ჩერნოვეცკის ფონდის“ დირექტორმა ელენე პოლიშუკმა.

„ჩერნოვეცკის ფონდი“ უახლოეს პერიოდში მორიგი ტურნირის ჩატარებას, ამჯერად ჭადრაკში გეგმავს.

დავით უსუფაშვილი - ახლა ივანიშვილის შუის გაკრეფის კონცეფცია ეხება ყველას, ვინც მის ორბიტაზე არაა, გასაკრეფია, რადგან სახიფათო და პრობლემურია
ქართული პრესის მიმოხილვა 24.08.2019
ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ზაზა ფაჩულიამ „არქი“ იყიდა