ირაკლი კობახიძე - მამუკა ბახტაძე შეირჩა სწორედ იმ კრიტერიუმების საფუძველზე, რომ მას აქვს ღრმა განათლება და ძალიან ღრმა გამოცდილება სხვადასხვა მიმართულებით

მამუკა ბახტაძე პრემიერ მინისტრის პოზიციისთვის ღირსეული კანდიდატია, - ამის შესახებ ჟურნალისტებს პარლამენტის თავმჯდომარემ, ირაკლი კობახიძემ ოპოზიციის კრიტიკის პასუხად განუცხადა.

„ბუნებრივია, ოპონენტები ამას იტყვიან, ეს არის მათი საქმე, თუმცა, ბატონი მამუკა შეირჩა სწორედ იმ პრინციპის და იმ კრიტერიუმების საფუძველზე, რომ მას აქვს ღრმა განათლება, მას აქვს ძალიან ღრმა გამოცდილება სხვადასხვა მიმართულებით, მათ შორის, მართვის მიმართულებით, მათ შორის, საჯარო სფეროში. ის იყო ძალიან კარგი, ღირსეული კანდიდატი ამ პოზიციისთვის და ზუსტად ამ კრიტერიუმების საფუძველზე მიიღო ჩვენმა გუნდმა შესაბამისი გადაწყვეტილება“,- აღნიშნა პარლამენტის თავმჯდომარემ.

მისივე თქმით, საჭიროა პოლიტიკის განახლება სხვადასხვა მიმართულებით და მმართველი გუნდი ახალ ინიციატივებს ელოდება. ირაკლი კობახიძის განცხადებით, დარწმუნებულია, რომ მთავრობის ახალი შემადგენლობა სამთავრობო პოლიტიკას ახალ ენერგიას შესძენს და პოლიტიკის სწორი მიმართულებით განახლებას უზრუნველყოფს.

„სხვადასხვა მიმართულებით არის საჭირო პოლიტიკის განახლება, ჩვენ ველოდებით ახალ ინიციატივებს, ბატონი მამუკა გამოირჩევა იმით, რომ მას ჰქონდა ძალიან საინტერესო ინიციატივები. ამ ინიციატივებს მხარი დაუჭირა თავის დროზე პარლამენტმა და ჩვენ ვხედავთ უკვე ხელშესახებ შედეგებს ამ ინიციატივებიდან გამომდინარე. ახლა მნიშვნელოვანია ახალი ინიციატივები. მე არ დავასწრებ, ბუნებრივია, პრემიერ-მინისტრობის კანდიდატს. მან თავად უნდა წარმოადგინოს ინიციატივები, ჩვენ გვექნება სერიოზული მსჯელობა ამასთან დაკავშირებით პარლამენტში და მე დარწმუნებული ვარ, რომ მთავრობის ახალი შემადგენლობა უზრუნველყოფს ჩვენი პოლიტიკის განახლებას სწორი მიმართულებით და ახალ ენერგიას შესძენს ჩვენს სამთავრობო პოლიტიკას“, - აღნიშნა პარლამენტის თავმჯდომარემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს