ქუთაისში აზიურ ფაროსანასთან წინააღმდეგ ბრძოლის შტაბის სხდომა გაიმართა, რომელსაც სურსათის ეროვნული სააგენტო კურირებს. შეხვედრას ქუთაისში, მავნებლის წინააღმდეგ ბრძოლის შტაბის წარმომადგენლებთან ერთად იმერეთის რეგიონის სოფლის რწმუნებულები დაესწრნენ.
„აზიური ფაროსანას რაოდენობა, ამ ეტაპისთვის, მნიშვნელოვნად შემცირებულია”, – განუცხადა „ინტერპრესნიუსს“ სურსათის ეროვნული სააგენტოს უფროსის მოადგილემ ზურაბ ლიპარტიამ.
ღონისძიებაზე იმერეთში აზიურ ფაროსანასთან ბრძოლის შედეგები და შემდგომი სამოქმედო გეგმა განიხილეს. შეხვედრაზე სოფლის რწმუნებულებმა აღნიშნეს, რომ მავნებლის საწინააღმდეგო წამლობითი სამუშაოები პირველ ეტაპზე შედეგიანი აღმოჩნდა და ღონისძიებების მეორე ეტაპზეც სახელმწიფო სამსახურები კოორდინირებულად იმუშავებენ.