კახა კალაძე - მთავრობის ფორმირების თაობაზე მსჯელობა პრემიერობის კანდიდატ მამუკა ბახტაძესთან ერთად მიმდინარეობს და ყველაფერი ცნობილი უახლოეს დღეებში გახდება

თბილისის მერის, კახა კალაძის განცხადებით, მთავრობის ფორმირების თაობაზე მსჯელობა პრემიერობის კანდიდატ მამუკა ბახტაძესთან ერთად მიმდინარეობს და ყველაფერი ცნობილი უახლოეს დღეებში გახდება, - ამის შესახებ კლაძემ ჟურნალისტებთან საუბრისას განაცხადა.

"მთავრობის ფორმირებაზე მსჯელობა, კონსულტაციები მიმდინარეობს პრემიერ-მინისტრობის კანდიდატთან ერთად. ჩართულია საპარლამენტო წარმომადგენლობაც და უახლოეს დღეებში ყველაფერი გახდება ცნობილი. როდესაც ჩამოვყალიბდებით, მივიღებთ გადაწყვეტილებებს, თავად პრემიერ-მინისტრობის კანდიდატი წარმოადგენს კანდიდატებს", - აღნიშნა კალაძემ.

კითხვაზე, უნდა დარჩეს, თუ არა თეა წულუკიანი მინისტრთა კაბინეტში, კალაძეს არ დაუკონკრეტებია და აღნიშნა, რომ მინისტრობის კანდიდატებს თვითონ მამუკა ბახტაძე წარუდგენს საზოგადოებას.

"ადამიანებზე, ვიზეც მსჯელობა მიმდინარეობს, გადაწყვეტილებები ძალიან სწრაფად იქნება მიღებული, ძალიან მალე და თავად პრემიერ- მინისტრობის კანდიდატი წარმოადგენს ამ კანდიდატებს", - აღნიშნა კახა კალაძემ.