ვაზიანი-გომბორი-თელავის მიმართულებით მოძრაობა აიკრძალა

უამინდობამ კახეთში პრობლემები შექმნა. ვაზიანი-გომბორი-თელავის მიმართულებით მოძრაობა აკრძალულია. გზაზე კონტროლს საპატრულო პოლიცია ახორციელებს. თელავიდან მძღოლებს მხოლოდ შუამთის ტერიტორიამდე შეუძლიათ მოძრაობა. 

როგორც "ინტერპრესნიუსს" შსს-დან აცნობეს, კახეთის მიმართულებით მოძრავი ავტომანქანები თბილისი-ბაკურციხე-თელავის საავტომობილო მაგისტრალით ისარგებლებენ. გომბორის უღელტეხილზე ავტომანქანით გადაადგილება ამინდის გაუმჯობესების შემდეგ აღდგება.

იხილეთ ვიდეო: ძლიერმა წვიმამ გომბორზე პრობლემები შექმნა