გარდაბნის მუნიციპალიტეტს „ჰეიდარ ალიევის ფონდმა“ რეანიმობილი გადასცა

გარდაბნის მუნიციპალიტეტს „ჰეიდარ ალიევის ფონდმა“ საჩუქრად ახალი რეანიმობილი გადასცა. სპეცმანქანა ხელოვნური სუნთქვის აპარატით, პაციენტის რეანიმაციული მონიტორით, გადასასხმელი ხსნარების ტემპერატურის მარეგულირებელი და სხვა ტიპის საინფუზიო მოწყობილობებით, დეფიბრილატორებით და ელექტრომქაჩებით არის აღჭურვილი.

როგორც საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ავთანდილ თალაკვაძემ განაცხადა, მისი პირველადი ფუნქცია იქნება მძიმე მდგომარეობაში მყოფი პაციენტების ტრანსპორტირება სხვადასხვა კლინიკას შორის. აღჭურვილობა საუკეთესოა და ყველა სტანდარტს აკმაყოფილებს.

ავტომობილის გადაცემის ცერემონიას დღეს გარდაბანში აზერბაიჯანული მხარის წარმომადგენლები, საქართველოს პარლამენტის წევრები, გარდაბნის ხელისუფლების პირველი პირები და საგანგებო სიტუაციების კოორდინაციისა და გადაუდებელი დახმარების ცენტრის დირექტორი ესწრებოდნენ.

როგორც გარდაბნის მუნიციპალიტეტის მერმა რამაზ ბუდაღაშვილმა განაცხადა, რეანიმობილის გადაცემით მუნიციპალიტეტს დიდი პრობლემა მოეხსნა, რადგან წლების განმავლობაში სამედიცინო პერსონალს საკუთარი კატასტროფის მანქანა არ ჰყავდა და ბრიგადის გამოძახება თბილისიდან უწევდათ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა