იაპონიის საგარეო საქმეთა მინისტრი - აშშ-მ ჩრდილოეთ კორეას 47 პუნქტისგან შემდგარი მოთხოვნები წაუყენა

აშშ-მ ჩრდილოეთ კორეას, დენუკლეარიზაციის შესახებ შეთანხმების ფარგლებში, 47 პუნქტისგან შემდგარი მოთხოვნები წაუყენა, - ამის შესახებ იაპონიის საგარეო საქმეთა მინისტრმა ტარო კონომ განაცხადა.

„ჩრდილოეთ კორეის ლიდერმა თანხმობა გამოთქვა სრული დენუკლეარიზაცია განახორციელოს. აშშ-ს სახელმწიფო მდივანმა მაიკლ პომპეომ ფხენიანში ვიზიტისას ჩრდილოეთ კორეის მხარეს განუმარტა, რომ აშშ ამ ტერმინში გულისხმობს ბირთვული და მასობრივი განადგურების სხვა სახის იარაღის ლიკვიდირებას. აღნიშნულთან დაკავშირებით ჩრდილოეთ კორეას 47 პუნქტისგან შემდგარი მოთხოვნები წაუყენეს. თუ ეს მოთხოვნები არ შესრულდება, მაშინ ჩრდილოეთ კორეისთვის დაწესებული სანქციები ძალაში დარჩება. ვფიქრობ, ფხენიანში ეს ესმით“, - განაცხადა იაპონიის საგარეო უწყების ხელმძღვანელმა.

ტარო კონომ ასევე აღნიშნა, რომ ლიკვიდირებას ჩრდილოეთ კორეის ყველა რაკეტა დაექვემდებარება, მათ შორის ის რაკეტებიც, რომელიც იაპონიაზეა მიმართული.

მინისტრის აზრით, ჩრდილოეთ კორეა არ გადაუხვევს სრული დენუკლეარიზაციის განხორციელების პირობას.

„ჩრდილოეთ კორეაში უმაღლესი ლიდერის დაპირებას განსაკუთრებული მნიშვნელობა აქვს. განსაკუთრებით თუ ეს დაპირება წერილობით ფორმაშია. მნიშვნელოვანია ასევე ის მომენტი, რომ სრული დენუკლეარიზაციის შესახებ ინფორმაცია ქვეყნის შიგნით იყო გავრცელებული. ასეთ სიტუაციაში არ ვფიქრობ, რომ ფხენიანი არ შეასრულებს თავის დაპირებას“, - აღნიშნა იაპონიის საგარეო საქმეთა მინისტრმა.

თენგიზ ფხალაძე  -  თუკი დღეს ვინმე ხეირობს საქართველოში შექმნილი ვითარებით, ეს რუსეთია
ქართული პრესის მიმოხილვა 07.12.2019
რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
სამოქალაქო ავიაციის საერთაშორისო ორგანიზაცია (იკაო) 75 წლისაა
გერმანელ ეკონომისტთა ჯგუფმა (GET) საქართველოს ფინანსური სექტორის მონიტორინგის პირველი ნაწილი წარადგინა
ლიბერთის და რუსთაველის თეატრის ერთობლივი ახალი სოციალური პროექტი
ლიბერთი UN Women-ის ქალთა გაძლიერების პრინციპების გლობალურ ინიციატივას უერთდება
სუპერმარკეტების ქსელი „მაგნიტი“ წამახალისებელი გათამაშების გამარჯვებულებს 14 დეკემბერს გამოავლენს
მედიკამენტებით უზრუნველყოფის გაუმჯობესების მიზნით PSP-ში გერმანულ წამყვან მწარმოებელ კომპანია „ბერლინ-ხემის“ წარმომადგენლებთან შეხვედრა შედგა
რატომ არის კომპანია TOYOTA-ს მიერ წარმოებული ავტომობილები ასეთი პოპულარული და როგორ ზრუნავს კომპანია ხარისხის მუდმივ გაუმჯობესებაზე
„სილქნეტმა“ მობილურ ქსელში უპრეცედენტო სამუშაოები ჩაატარა - დღეისათვის კომპანია მომხმარებელს უსწრაფეს, 4.5G ინტერნეტს სთავაზობს
BDO-მ მცირე და საშუალო სავაჭრო კომპანიების წამომადგენლებს კონფერენციაზე უმასპინძლა