საქართველოში თურქეთის საელჩოში თურქეთის საპრეზიდენტო და საპარლამენტო არჩევნებზე ხმის მიცემის წინასწარი პროცედურა მიმდინარეობს
დღეს, საქართველოში თურქეთის საელჩოში, თურქეთის ვადამდელ საპრეზიდენტო და საპარლამენტო არჩევნებზე ხმის მიცემის წინასწარი პროცედურა მიმდინარეობს.
საქართველოში თურქეთის საელჩოში საარჩევნო უბანი დილის 09:00 საათზე გაიხსნა.
პირველი, ვინც ხმა მისცა, საქართველოში თურქეთის ელჩი ფატმა ჯერენ იაზგანი იყო.
თურქეთის მოქალაქეები ხმის მიცემას თბილისის დროით 21:00 საათამდე შეძლებენ.
გარდა თბილისისა, თურქეთის მოქალაქეები ხმის მიცემას დღეს ასევე შეძლებენ ბათუმში თურქეთის გენერალურ საკონსულოში.
ხმის მიცემის წინასწარი პროცედურა ასევე მიმდინარეობს სხვადასხვა ქვეყანაში თურქეთის რამდენიმე დიპლომატიურ წარმომადგენლობაში.
თურქეთში ვადამდელი საპრეზიდენტო და საპარლამენტო არჩევნები 24 ივნისს გაიმართება.
