მსოფლიო საპატრიარქოს წარმომადგენელი - ღმერთმა დალოცოს და გააძლიეროს ქართველი ხალხი, რომელიც ბურჯია რეგიონში მართმადიდებლობის და ქრისტიანობის

ღმერთმა დალოცოს და გააძლიეროს ქართველი ხალხი, რომელიც ბურჯია რეგიონში მართმადიდებლობის და ქრისტიანობის, - ასე მიმართა მსოფლიო საპატრიარქოს წარმომადგენელმა, მიტროპოლიტმა ემანუელმა სრულიად საქართველოს პატრიარქს ილია მეორეს.

მიტროპოლიტმა ემანუელმა და სმირნის მიტროპოლიტმა ბართლომეუსმა სამების ტაძარში საქართველოს პატრიარქთან ერთად წირვა აღავლინეს.

"უზომოდ მოხარულები ვართ, რომ თქვენთან ერთად მონაწილეობა მივიღეთ საღვთო ლიტურგიაში. თქვენთან ჩამოტანილი გვაქვს მსოფლიო პატრიარქის, ბართლომეუსის ძმური სიყვარული. ჩვენ მოხარული ვართ თქვენთან თანამშრომლობით ეკლესიისთვის საჭირბოროტო საკითხებთან დაკავშირებით. მსოფლიო საპატრიარქო და მისი უწმინდესობა, მსოფლიო პატრიარქი ბართლომეუსი ყოველთვის არის თქვენს გვერდით ყველა იმ საკითხში, რომელშიც თქვენი ეკლესია საჭიროებს თანადგომას და დახმარებას. თქვენო უწმინდესობავ, ყოველთვის გწამდეთ და გჯეროდეთ, რომ მსოფლიო პატრიარქი და მსოფლიო საპატრიარქო თქვენს მიერ წამოწყებულ საქმეებში იქნებიან თქვენი თანაშემწეები, თქვენს გვერდში იდგებიან. ღმერთმა დალოცოს და გააძლიეროს ქართველი ხალხი, რომელიც ბურჯია რეგიონში მართმადიდებლობის და ქრისტიანობის",- მიმართა მიტროპოლიტმა ილია მეორეს.

თავის მხრივ, საქართველოს პატრიარქმა სტუმრებს საჩუქრად ხატები გადასცა.

"ჩვენ ბედნიერი ვართ, რომ დღეს ჩვენთან იმყოფებით. დღეს შესრულდა წმინდა წირვა სამების ტაძარში, სადაც მოვიხსენიეთ ყველა პატრიარქი და მღვდელმთავარი",- განაცხადა პატრიარქმა.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს