თბილისში, გახოკიძის ქუჩაზე გზის სარემონტო სამუშაოებისას დაშავებული მუშის ამოყვანა ამ დრომდე ვერ ხერხდება. ორმოში, სადაც მუშაა მოყოლილი, წყალია. სამაშველო ბრიგადები წყლის ამოტუმბვას და მუშის ამოყვანას ცდილობენ.

საგანგებო სიტუაციების მართვის სამსახურში აცხადებენ, რომ შემთხვევა მაშინ მოხდა, როდესაც მუშას წყლის მილი გაყავდა, რა დროსაც მიწა ჩამოიშალა და მუშა მოიყოლა.

ადგილზე მობილიზებულია საპატრულო პოლიციისა და სამაშველო სამსახურის თანამშრომლები.