აკაკი გახოკიძის ქუჩაზე გზის სარემონტო სამუშაოებისას დაშავებული მუშის სიცოცხლეს საფრთხე არ ემუქრება, - ამის შესახებ ინფორმაციას საგანგებო სიტუაციების მართვის სამსახური ავრცელებს.
როგორც მათ მიერ გავრცელებულ ინფორმაციაშია ნათქვამი, მაშველები ამ წუთებში ცდილობენ მის დახმარებას.
ორმოში, სადაც მუშაა მოყოლილი, წყალია. სამაშველო ბრიგადები წყლის ამოტუმბვას და მუშის ამოყვანას ცდილობენ.
არსებული ინფორმაციით, შემთხვევა მაშინ მოხდა, როდესაც მუშას წყლის მილი გაყავდა, რა დროსაც მიწა ჩამოიშალა და მუშა მოიყოლა.
ადგილზე მობილიზებულია საპატრულო პოლიციისა და სამაშველო სამსახურის თანამშრომლები.