საფრანგეთის სამხრეთ-აღმოსავლეთში, ქალმა, რომელიც „ალაჰ აქბარს“ ყვიროდა, ორი ადამიანი დანით დაჭრა. ამის შესახებ რადიოსადგური „ფრანსინფო“ იუწყება.
თავდამსხმელი პოლიციამ უკვე დააკავა. ის ერთ-ერთ სუპერმარკეტში მოქალაქეებს დღეს დილით დაესხა თავს.
დაჭრილები არიან მაღაზიის თანამშრომელი და კლიენტი, რომლებმაც მსუბუქი ჭრილობები მიიღეს.
თვითმხილველების განცხადებით, 24 წლის ქალი ყვიროდა „ალაჰ აქბარ“. მომხდარ ინციდენტზე გამოძიება დაწყებულია.
ტულონის პროკურორის განცხადებით, საქმე შეიძლება გვქონდეს ფსიქიკური პრობლემების მქონე ადამიანთან, თუმცა, არც იმის გამორიცხვა შეიძლება, რომ ის რადიკალი იყოს.
ამ დროისთვის თავდამსხმელის სახლში ჩხრეკა მიმდინარეობს.