ოზურგეთის რაიონულმა სასამართლომ "ქართული ოცნების" წევრს ტარიელ აროშიძეს აღკვეთის ღონისძიების სახით 5000-ლარიანი გირაო შეუფარდა. გადაწყვეტილება ოზურგეთის რაიონული სასამართლოს მოსამართლემ მარინა კიკნაძემ მიიღო.

ოზურგეთში მომხდარ ფაქტზე გამოძიება "სისხლის სამართლის კოდექსის" 126-ე მუხლის პირველი მუხლით მიმდინარეობს, რაც ცემას გულისხმობს.

საქმე ეხება ოზურგეთის საკრებულოს "ერთიანი ნაციონალური მოძრაობის" წევრის ბესიკ ქათამაძის ცემის ფაქტს. როგორც "ნაციონალურ მოძრაობაში" აცხადებენ, სამი დღის წინ მათ თანაპარტიელს "ქართული ოცნების" წევრები ფიზიკურად გაუსწორდნენ.