Bild - ანგელა მერკელი არალეგალური მიგრაციის პრობლემაზე ევროკავშირის რამდენიმე წევრ ქვეყანასთან საგანგებო შეხვედრის გამართვას გეგმავს

გერმანიის კანცლერი ანგელა მერკელი არალეგალური მიგრაციის პრობლემაზე ევროკავშირის რამდენიმე წევრ ქვეყანასთან საგანგებო შეხვედრის გამართვას გეგმავს. ამის შესახებ ინფორმაციას სამთავრობო წყაროებზე დაყრდნობით გერმანული გამოცემა Bild ავრცელებს.

გამოცემის ინფორმაციით, გერმანიის მინისტრთა კაბინეტში ვარაუდობენ, რომ ამგვარი შეხვედრა შესაძლოა შემდეგი კვირის ბოლოს გაიმართოს და მასში მონაწილეობას ავსტრია, საბერძნეთი და იტალია მიიღებენ. ანგელა მერკელი საიმიგრაციო კრიზისის გადალახვისთვის უფრო ეფექტური ზომების მიღების განხილვას აპირებს.

„ჯერ არაფერია გადაწყვეტილი. ჩვენ დაგეგმარების სტადიაზე ვიმყოფებით. ჯერ უცნობია ზუსტად როდის გაიმართება შეხვედრა“, - განაცხადა იტალიის მთავრობის წარმომადგენელმა.

არალეგალური მიგრაციის პრობლემა განსაკუთრებულად მწვავედ დგას ბერლინის დღის წესრიგში. აღნიშნულმა საკითხმა კონფლიქტი გამოიწვია გერმანიის მმართველ კოალიციაში. ბავარიის ქრისტიანულ-სოციალურმა კავშირმა გერმანიის კანცლერს ულტიმატუმი წაუყენა და ეროვნული საზღვრების დაცვისთვის ეფექტური ზომების მიღება მოსთხოვა, სხვა შემთხვევაში ისინი პარლამენტში ერთიანი ფრაქციიდან გამოსვლით იმუქრებიან.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს