ნიდერლანდებში, ქალაქ ლანდგრააფში, PinkPop-ის ფესტივალზე მიკროავტობუსი ფეხით მოსიარულეებს შეეჯახა, რის შედეგადაც დაიღუპა 1 და დაშავდა 3 ადამიანი. ამის შესახებ პოლიციაზე დაყრდნობით „როიტერსი“ იუწყება.
სააგენტოს ინფორმაციით, მიკროავტობუსის მძღოლი შემთხვევის ადგილიდან მიიმალა.
დაშავებულები ვერტმფრენით საავადმყოფოებში გადაიყვანეს.
აქვს თუ არა მომხდარ ინციდენტს კავშირი ტერორიზმთან, პოლიციაში ჯერჯერობით არ აკონკრეტებენ.