ანაკლიის მუსიკალური ფესტივალის, Echowaves ბილეთების გაყიდვა უკვე დაიწყო. როგორც „ინტერპრესნიუსს“ ფესტივალის ორგანიზატორებმა აცნობეს, ფესტივალი 23-26 აგვისტოს ანაკლიაში ჩატარდება.
მათივე ინფორმაციით, 4 - დღიანი multi-pass-ის საწყისი ფასი, ივნისის ბოლომდე 120 ლარია. თუმცა მათთვის, ვინც დარეგისტირებულია Super Early Bird-ზე, ფასი ფესტივალის დაწყებამდე იგივე დარჩება.
ცნობისთვის, ფესტივალი Echowaves საქართველოში პირველად ტარდება და მას აღმოსავლეთ ევროპის ერთ-ერთი ყველაზე დიდი ფესტივალი, Exit უჭერს მხარს. ფესტივალის სტუმრებს შორის არიან: Juan Athkins, Tricky, Solomun, Dzijan Emin& GPO, Francesco Tristano& Guti live და სხვები.
ფესტივალის საორგანიზაციო ჯგუფი უკვე იმყოფებოდა ანაკლიაში და ადგილზე გაეცნო ყველა ტექნიკურ დეტალს, რომელიც ფესტივალის გამართულად მუშაობისთვის არის საჭირო. მათ შორის დაათვალიერეს ბულვარის ტერიტორია, სადაც განთავსდება ფესტივალის სცენები და ყველა საჭირო ობიექტი.
Echowaves ის ბილეთების ყიდვა შესაძლებელია შემდეგ საიტებზე: https://tkt.ge/ka/event/echowaves-powered-by-exit-146767