ლაგოდეხის მუნიციპალიტეტში ევროპის დღე შემეცნებითი და გასართობი ღონისძიებებით აღინიშნა

ევროკავშირის დელეგაციის ორგანიზებით, ლაგოდეხის მუნიციპალიტეტში ევროპის დღე შემეცნებითი და გასართობი ღონისძიებებით აღინიშნა.

როგორც „ინტერპრესნიუსს“ ლაგოდეხის მუნიციპალიტეტის მერიიდან აცნობეს, ღონისძიება, რომელიც 16 ივნისს ლაგოდეხის ტყე-პარკის ტერიტორიაზე მოეწყო, მთელი დღის განმავლობაში გაგრძელდა.

მათი ინფორმაციით, კულტურული წარმოდგენები, სხვადასხვა გასართობი თამაშები, მრავალფეროვანი პროგრამებით, სპორტული შეჯიბრებებით და პრიზებით გაგრძელდა. საღამო ჯგუფი „ფრანის“ გრანდიოზული კონცერტით დასრულდა.

ღონისძიებას მოქალაქეებთან ერთად, მუნიციპალიტეტის მერი, სამთავრობო და არასამთავრობო სექტორის წარმომადგენლები დაესწრნენ.

შეკრებილ საზოგადოებას მუნიციპალიტეტის მერმა ჯონდო მდივნიშვილმა სიტყვით მიმართა.

„ევროპის დღე იმის დასტურია, რომ საქართველოს და ევროპას საერთო ფასეულობები გააჩნია. მიმაჩნია, რომ საქართველოს ევროპაში შესვლა ერთ-ერთი სწორი მიმართულებაა. მივესალმები მსგავსი ღონისძიებების ორგანიზებას, ადგილობრივი ხელისუფლება მაქსიმალურ მზაობას გამოთქვამს აღნიშნული პროცესის ხელშეწყობისათვის", - განაცხადა ჯონდო მდივნიშვილმა.

ევროკავშირის დღეები საქართველოში წელს მეექვსედ იმართება. ევროპის დღეების მიზანი ევროკავშირისა და საქართველოს ურთიერთობების, მიმდინარე ინტეგრაციის პროცესის შესახებ საქართველოს მოქალაქეების ინფორმირებაა.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან