ავსტრიის ქალაქ მარხტრენკში თავშესაფრის მაძიებელი საქართველოს მოქალაქე დაჭრეს. ავსტრიული მედიის ინფორმაციით, 29 წლის ქართველსა და თავშესაფრის მაძიებელ ერაყის ორ მოქალაქეს შორის შელაპარაკების დროს ერთ-ერთმა ერაყელმა ქართველს გატეხილი შუშის ბოთლით დაზიანება სახის არეში მიაყენა.
მძიმედ დაჭრილი საქართველოს მოქალაქე სასწრაფო დახმარების ბრიგადამ საავადმყოფოში გადაიყვანა, პოლიციამ კი ეჭვმიტანილი ერაყელები დააკავა.