ქუთაისის მერმა 100 წლის ქალს დაბადების დღე მიულოცა

დღეს ქუთაისის მერმა გიორგი ჭიღვარიამ 100 წლის ქალს, თამარ კეზევაძეს დაბადების დღე მიულოცა. ქუთაისის მერიის ინფორმაციით, იუბილარს ქალაქის მერი ოჯახში ესტუმრა, რომელიც საფიჩხიის უბანში, განათლების ქუჩაზე ცხოვრობს. მას საჩუქრად ადგილობრივი ბიუჯეტიდან ათასი ლარი გადაეცემა.

„ძალიან სასიამოვნო მომენტია, როდესაც უფროსი თაობის თანაქალაქელს დაბადების დღეს ვულოცავთ, მით უფრო როცა ის ასი წლის ხდება. ჩვენ გვაქვს ადგილობრივ ბიუჯეტში სპეციალური პროგრამა, რომლის საშუალებით ასი წლის ადამიანებს ფულადი თანხითაც ვასაჩუქრებთ“, - განაცხადა გიორგი ჭიღვარიამ.