საქართველოს სავაჭრო-სამრეწველო პალატის პრეზიდენტი „მარიგოლდის“ საწარმოსა და მოდის სახლს გახსნის

თბილისში, პეკინის ქუჩაზე ხვალ საქართველოს სავაჭრო-სამრეწველო პალატის წევრი კომპანიის, „მარიგოლდის“ მოდის სახლისა და საწარმოს გახსნა/პრეზენტაცია გაიმართება.

ღონისძიებას საქართველოს სავაჭრო-სამრეწველო პალატის პრეზიდენტი ნინო ჩიქოვანი, ასევე საჯარო უწყებებისა და საერთაშორისო ორგანიზაციების წარმომადგენლები და სხვა მოწვეული სტუმრები დაესწრებიან.

სავაჭრო-სამრეწველო პალატის ინფორმაციით, გახსნის ღონისძიების ფარგლებში სიტყვით გამოვლენ: საქართველოს სავაჭრო-სამრეწველო პალატის პრეზიდენტი ნინო ჩიქოვანი და მოდის სახლი „მარიგოლდის“ ხელმძღვანელი თამარ ნადირაძე.

„კომპანია „მარიგოლდი“ არის ქართული ბრენდი, რომელიც 2008 წლიდან აწარმოებს საავტორო, ხელნაკეთ საქორწილო სამოსს და სადღესასწაულო ტანსაცმელს. ასევე, კომპანიის ერთ-ერთი მიმართულებაა კამპანია „ჩაიცვი ქართული“, რომლის ფარგლებშიც „მარიგოლდს“ აქვს გათანამედროვებული ტრადიციული ქართული სამოსის ხაზი. ღონისძიების ფარგლებში სტუმრებს საშუალება ექნებათ „მარიგოლდის“ სამკერვალო საწარმო დაათვალიერონ, წარმოების პროცესს ადგილზე გაეცნონ და სადღესასწაულო და „ჩაიცვი ქართულის“ ხაზის საექსპოზიციო მოდელები დაათვალიერონ.

კომპანია „მარიგოლდი“ აქტიურად მონაწილეობს საერთაშორისო გამოფენებში, ასევე, საქართველოს სავაჭრო-სამრეწველო პალატის მიერ ორგანიზებულ საერთაშისო ფორუმებში საქართველოსა და მის ფარგლებს გარეთ. საერთაშორისო ასპარეზზე საქართველოს კულტურისა და ტრადიციების პოპულარიზაციის მიზნით „მარიგოლდს“ შექმნილი აქვს ბრენდბუქი, სადაც აღწერილია ქვეყნის ისტორიული კუთხეები ტრადიციულ სამოსთან ერთად. ახალ საწარმოსა და მოდის სახლში „მარიგოლდი“ 20-მდე ადამიანს დაასაქმებს“, - ნათქვამია ინფორმაციაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს