დუშეთის რაიონში, ძლიერი წვიმის შედეგად დაიტბორა ქუჩები და საცხოვრებელი სახლების სარდაფები, - ამის შესახებ განცხადებას საგანგებო სიტუაციების მართვის სამსახური ავრცელებს. როგორც საგანგებო სიტუაციების მართვის სამსახურში განმარტავენ, დუშეთიდან სულ შესულია 22 შეტყობინება და ამ წუთებში მიმდინარეობს წყლის ამოტუმბვითი სამუშაოები.
ამ დროისთვის წვიმს საქართველოს რამდენიმე რეგიონსა და თბილისში.