გია ხუხაშვილი თეა წულუკიანზე - ამ ვითარებაში ღირსეული სახელმწიფო მოღვაწე თავად იტყვის - დიდი ბოდიში, წავედი

ექსპერტი გია ხუხაშვილი მიიჩნევს, რომ დროებითი მთავრობის შექმნაზე პასუხისმგებლობა ყოფილ პრემიერ გიორგი კვირიკაშვილს ეკისრება. მისი თქმით, კვირიკაშვილი უნდა დარჩენილიყო, უნდა გაეგრძელებინა მუშაობა იქამდე ვიდრე არ მოხდებოდა სტრუქტურების რეორგანიზაცია.

„მე ვფიქრობ, რომ ზედმეტი დრამატიზება ხდება საკმაოდ მარტივი სიტუაციის. უკეთესია, შინაარსზე ვფიქრობდეთ, ვიდრე ფორმაზე. ნორმალურად რომ განვითარებულიყო პროცესები, კვირიკაშვილი უნდა დარჩენილიყო, უნდა გაეგრძელებინა მუშაობა იქამდე, ვიდრე არ მოხდებოდა რეორგანიზაცია. გაიქცა ეს კაცი, გაიპარა და სახლში დაჯდა და რა უნდა ექნათ ამათაც? არ უნდა დაუწყო ფეხების ბაკუნი და გაბუტვა, კაცურად გადამდგარიყო და უნდა ეთქვა, რომ ვიდრე ახალი მთავრობა შედგებოდა, გააგრძელებდა თავის საქმიანობას. ამ არაჯანსაღ სიტუაციაზე პასუხისმგებელი არის თვითონ კვირიკაშვილი“, - განაცხადა ხუხაშვილმა.

რაც შეეხება თეა წულუკიანის თანამდებობაზე შესაძლო დარჩენის საკითხს, ხუხაშვილის თქმით, ამ ვითარებაში, რა ვითარებაც წულუკიანთან დაკავშირებით არის შექმნილი, ღირსეული სახელმწიფო მოღვაწე თავადვე გადადგებოდა.

„სასამართლოსადმი ნდობა არის ნული, მთავარი პროკურორი გადადგა და მის გადადგომაზე იუსტიციის მინისტრმა უნდა აიღოს პოლიტიკური პასუხისმგებლობა. მიუხედავად იმისა, წულუკიანი თვლის თუ არა თავს კარგ მინისტრად, ასეთია მოცემულობა. ღირსეული ადამიანები მოცემულობის შესაბამისად თვითონ მიდიან. ამ ვითარებაში ღირსეული სახელმწიფო მოღვაწე თავად იტყვის - დიდი ბოდიში, წავედი“, - განაცხადა ხუხაშვილმა.

ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ქართული პრესის მიმოხილვა 10.07.2020
ზაალ ანჯაფარიძე - შაქარაშვილის საქმესთან დაკავშირებით კითხვები უფრო მეტია, ვიდრე პასუხები, რაც გამოწვეულია რამდენიმე გარემოებით
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)