ჟენევაში დღეს საერთაშორისო მოლაპარაკებების მორიგი რაუნდი დაიწყება. ქართულ დელეგაციას საგარეო საქმეთა მინისტრის მოადგილე დავით დონდუა ხელმძვანელობს.
როგორც დონდუა აცხადებს, ჟენევის საერთაშორისო მოლაპარაკების ამ რაუნდზე, განსაკუთრებული ყურადღება დაეთმობა იმას, რომ ცეცხლის შეწყვეტის შეთანხმება შესრულდეს.
მისი თქმით, საერთაშორისო მოლაპარაკებების აღნიშნულ რაუნდზე საუბარი შეეხება არჩილ ტატუნაშილი საქმესაც.
„პროგრესი ცეცხლის შეწვეტის შეთანხმების შესრულებასთან დაკავშირებით არ გვაქვს. არ გვაქვს იმიტომ, რომ რუსეთი კვლავ აგრძელებს საქართველოს ტერიტორიების ოკუპაციას. ამიტომ, ამ რაუნდზე, განსაკუთრებული ყურადღება დაეთმობა იმას, რომ ცეცხლის შეწყვეტის შეთანხმება უნდა შესრულდეს ისევე, როგორც არჩილ ტატუნაშვილის საქმე. ეს საკითხი იქნება განხილული, სანამ არ აღდგება მართლმსაჯულება, სანამ არ დაისჯებიან ის პირები, რომლებიც დამნაშავეები არიან“, - განაცხადა დავით დონდუამ.