თბილისის სააპელაციო სასამართლოში კლინიკა "ლანცეტის" დამფუძნებლის ფარმან ჯეირანლის სააპელაციო საჩივრის განხილვის დასკვნითი სხდომა გაიმართება. როგორც „ინტერპრესნიუსს“ მსჯავრდებულის ადვოკატმა გელა ნიკოლეიშვილმა აცნობა, სავარაუდოდ, სხდომის შემდეგ გამოცხადდება განაჩენი.
საქალაქო სასამართლომ კლინიკა „ლანცეტის“ დირექტორს ფარმან ჯეირანლის ექვსი წლით თავისუფლების აღკვეთა მიუსაჯა.
ჯეირანლი წარდგენილი ორი მუხლიდან ერთში, თაღლითობის ბრალდებაში (სსკ-ის 180-ე მუხლი) ცნეს დამნაშავედ. რაც შეეხება საქართველოს სისხლის სამართლის კოდექსის 247-ე მუხლით წარდგენილ ბრალდებას, რაც სიცოცხლისათვის ან ჯანმრთელობისათვის საფრთხის შემქმნელი გარემოების შესახებ ინფორმაციის დამალვას ან გაყალბებას გულისხმობს, მოსამართლემ ბრალდებული აღნიშნულ ეპიზოდში გაამართლა.