ლევან დავითაშვილი არ გამორიცხავს, რომ გარემოს დაცვისა და სოფლის მეურნეობის სამინისტროს გაყოფაზე გუნდში მსჯელობა გაიმართოს

გარემოს დაცვისა და სოფლის მეურნეობის მინისტრობის კანდიდატი ლევან დავითაშვილი გარემოს დაცვისა და სოფლის მეურნეობის ერთიანი სამინისტროს გაყოფას მიზანშეწონილად არ მიიჩნევს. თუმცა, დავითაშვილი არ გამორიცხავს, ამაზე გუნდის შიგნით მსჯელობა გაიმართოს.

“შეიძლება მსჯელობა იყოს და გუნდი საბოლოო გადაწყვეტილებას მიიღებს. თუმცა, ჩემი პირადი პოზიცია არის ის, რომ ჩვენ ზოგადად გარემოს დაცვის მიმართულების გაძლიერებაზე ვსაუბრობთ. ისე, როგორც არასდროს, გარემოს დაცვის მიმართულება გაერთიანებული სამინისტროს შემთხვევაში გაძლიერებულია. გარემოს დაცვის ყველა მიმართულებას მეტი, უფრო კომპეტენტური და უფრო მეტი შესაძლებლობის მქონე სტრუქტურა გააჩნია. ჩვენი განვითარება მდგრადი განვითარების პრინციპებს პირდაპირ უკავშირდება“, - განაცხადა დავითაშვილმა.

რაც შეეხება იმას, დარჩება თუ არა ის განახლებულ მინისტრთა კაბინეტში, დავითაშვილი აცხადებს, რომ მთავრობის საბოლოო შემადგენლობაზე გადაწყვეტილება გუნდში კონსულტაციების შემდეგ იქნება მიღებული.

"მამუკა ბახტაძეს რამდენიმე წელია ვიცნობ. ჩვენ ერთ გუნდში ვმუშაობთ და მასთან მუშაობა ჩემთვის აბსოლუტურად მისაღები და საინტერესოა. მე გუნდის ნაწილი ვარ და იმ გადაწყვეტილების მონაწილე ვიქნები, რომელსაც გუნდი მიიღებს",- განაცხადა დავითაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს