„ევროპული საქართველო“ ამ მთავრობას მხარს ვერ დაუჭერს, - ამის შესახებ „ევროპული საქართველოს“ წევრმა, ზურაბ ჭიაბერაშვილმა პარლამენტში, რამდენიმე კომიტეტის გაერთიანებულ სხდომაზე განაცხადა, რომელზეც მინისტრობის კანდიდატებს უსმენენ.
როგორც ჭიაბერაშვილმა აღნიშნა, პრემიერ-მინისტრობის კანდიდატი მამუკა ბახტაძეც პასუხისმგებელია იმ წარუმატებელ ეკონომიკურ პოლიტიკაზე, რომელმაც ქვეყანაში გაჭირვება და სიღარიბე მოიტანა.
“ჩვენ მხარს ვერ დავუჭერთ ამ მთავრობას. ბატონი ბახტაძე ისევეა პასუხისმგებელი იმ წარუმატებელ ეკონომიკურ პოლიტიკაზე, რომელმაც ქვეყანაში გაჭირვება და სიღარიბე მოიტანა, როგორც ბიძინა ივანიშვილის ნებისმიერი ხელქვეითი. იმის გამო, რომ ამ მთავრობის არსი არ იცვლება და ეს არის ბიძინა ივანიშვილის ხელქვეითების მთავრობა, შეუძლებელია, რომ ნებისმიერმა ასეთმა ცვლილებამ რაიმე სარგებელი მოუტანოს ქვეყანას“, - განაცხადა ზურაბ ჭიაბერაშვილმა.