მცირე მთავრობის იდეა მისაღებია იმიტომ, რომ უკავშირდება პირდაპირ მმართველობით რეფორმას და მმართველობის გაუმჯობესებას, - ამის შესახებ გარემოს დაცვისა და სოფლის მეურნეობის მინისტრობის კანდიდატმა ლევან დავითაშვილმა პარლამენტში ჟურნალისტებთან განაცხადა.

როგორც დავითაშვილმა აღნიშნა, მცირე მთავრობა უფრო ეფექტურს გახდის გადაწყვეტილებების აღსრულებას.

„რაც შეეხება მცირე მთავრობის იდეას, ეს რა თქმა უნდა, მისაღებია იმიტომ, რომ უკავშირდება პირდაპირ მმართველობით რეფორმას და მმართველობის გაუმჯობესებას. ამაზე ჩვენ ადრეც გვქონდა საუბარი. საუბარია იმაზე, რომ უფრო ეფექტიანები ვიყოთ გადაწყვეტილებებში და გადაწყვეტილებების მიღებიდან აღსრულებამდე იყოს მაქსიმალურად შემოკლებული დრო და იყოს უფრო ეფექტიანი ჩვენი აღსრულება გადაწყვეტილებების. შესაბამისად, მცირე მთავრობა ზუსტად ამას პასუხობს და ეს აბსოლუტურად მისაღებია“, - განაცხადა ლევან დავითაშვილმა.

გარემოს დაცვისა და სოფლის მეურნეობის მინისტრობის კანდიდატმა ასევე აღნიშნა, რომ ის გუნდის წევრად რჩება და მისთვის მისაღები იქნება ის გადაწყვეტილება, რომელსაც მამუკა ბახტაძე სამომავლოდ მიიღებს.