სოფელ ილემში გზის რეაბილიტაცია დაიწყო

ზესტაფონის მუნიციპალიტეტის სოფელ ილემში გზის სარეაბილიტაციო სამუშაოები მიმდინარეობს. როგორც „ინტერპრესნიუსს“ ზესტაფონის მერიის პრესსამსახურიდან აცნობეს, პროექტს რეგიონალური განვითარების ფონდი ახორციელებს და ბეტონის საფარი 2 კმ– სა და 240 მეტრ სიგრძის გზაზე დაიგება. აღდგენილი გზის მთლიან მონაკვეთზე სანიაღვრე არხი, ხოლო იქ, სადაც ქანების ჩამოშლის საშიშროება დგას, 20 მეტრის სიგრძეზე საყრდენი კედელი გაკეთდება. სამუშაოებს ტენდერში გამარჯვებული კომპანია „მიმდემი“ ასრულებს და გზის განახლებას, სავარაუდოდ, ორი თვის განმავლობაში დაამთავრებს.

სამუშაოები ზესტაფონის მუნიციპალიტეტის მერმა, კახაბერ მახათაძემ, სოფელ ილემის დეპუტატმა ჯემალ გორგოძემ და მუნიციპალიტეტის შესაბამისი სამსახურის წარმომადგენლებმა დაათვალიერეს.

„მუნიციპალიტეტის რამდენიმე სოფელში ერთდროულად მიმდინარეობს გზების რეაბილიტაცია. თითქმის ყოველდღიურ რეჟიმში, ადგილზე ვნახულობთ შესრულებულ სამუშაოებს. გვაქვს ისეთი პროექტებიც, რომლებიც ადგილობრივი ბიუჯეტიდან ფინანსდება და გზების რეაბილიტაცია ეტაპობრივად ყველა სოფელს შეეხება“, – განაცხადა კახაბერ მახათაძემ.

ადგილობრივი დეპუტატის ჯემალ გორგოძის თქმით, სოფელი დიდი ხანია საჭიროებდა გზის განახლლებას.

„ცუდი გზის გამო სოფელ ილემში მუდმივად იდგა ტრანსპორტით მიმოსვლის პრობლემა. გადაადგილება უჭირდათ მოსწავლეებს, განსაკუთრებით ზამთარში. გზის რეაბილიტაცია სასიცოცხლოდ მნიშვნელოვანია სოფლის ცხოვრებაში და მისი მომავალი განვითარებისათვის“, – განაცხადა ჯემალ გორგოძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს