არ მგონია, რომ ეს პრინციპულად შეუთავსებელი და შეუძლებელი იყოს, - ამის შესახებ კულტურის მინისტრობის კანდიდატმა მიხეილ გიორგაძემ განათლებისა და კულტურის სამინისტროების შესაძლო გაერთიანების საკითხის კომენტირებისას განაცხადა.

"ზოგადად, პრინციპულად შეუთავსებელი და შეუძლებელი, არ მგონია რომ ეს იყოს, თუმცა საბოლოო გადაწყვეტილება ოპტიმიზაციასთან მიმართებაში მიღებული იქნება კონსულტაციების დასრულების შემდეგ",- განაცხადა გიორგაძემ.

რაც შეეხება იმას, დარჩება თუ არა განახლებულ მინისტრთა კაბინეტში, მიხეილ გიორგაძე აცხადებს, რომ ამ საკითხის გადაწყვეტა პრემიერ-მინისტრის პრეროგატივაა.