დავით ზალკალიანი - სირიასთან მიმართებაში არაღიარების პოლიტიკის კუთხით ყველა პრევენციული ზომა იყო მიღებული და ჩვენთვის მათი ნაბიჯი მოულოდნელი არ იყო

ჩვენი მხრიდან სირიასთან მიმართებაში იყო მიღებული ყველა პრევენციული ზომა არაღიარების პოლიტიკის კუთხით, თუმცა მათი ნაბიჯი ჩვენთვის მოულოდნელი არ იყო, - ამის შესახებ დიასპორისა და კავკასიის საკითხთა, ევროპასთან ინტეგრაციის და საგარეო ურთიერთობათა კომიტეტების გაერთიანებულ სხდომაზე საგარეო საქმეთა მინისტრობის კანდიდატმა დავით ზალკალიანმა განაცხადა.

საგარეო საქმეთა მინისტრობის კანდიდატმა აღნიშნა, რომ გარდა მეზობელი ქვეყნებისა, საქართველოს აქვს შორეულ ქვეყნებთანაც მჭიდრო დიპლომატიური ურთიერთობა. ამ კუთხით ზალკალიანმა აღნიშნა, რომ მნიშვნელოვანია ქვეყანამ აქტიური დიპლომატიური ურთიერთობით შეინარჩუნოს მყარი არაღიარების პოლიტიკა მსოფლიოს მასშტაბით.

„გეოგრაფიულად დაშორებულ ქვეყნებთან ურთიერთობა არის მნიშვნელოვანი. მე შევეხები არაღიარების პოლიტიკას, რომელიც ერთ-ერთი მთავარი პრიორიტეტული მიმართულებაა. ჩვენ აქტიურად გავაგრძელებთ ამ მიმართულებით საერთაშორისო თანამეგობრობასთან თანამშრომლობას, რადგანაც რუსეთის ფედერაცია, რომელსაც აღიარებული აქვს ჩვენი ოკუპირებული ტერიტორიები, ასევე აქტიურად მუშაობს მსოფლიოს მასშტაბით, რომ მოხდეს ოკუპირებული ტერიტორიების აღიარება. სირიის მაგალითი არის ამის ნათელი დადასტურება. თუმცა, უნდა ითქვას, რომ ჩვენი მხრიდან სირიასთან მიმართებაში იყო მიღებული ყველა პრევენციული ზომა და ჩვენთვის ეს მოულოდნელი არ იყო. შესაძლოა, რომ მომავალშიც გაგრძელდეს და აუცილებელიც არის, რომ აქტიური კომუნიკაცია გვქონდეს პარლამენტთან“, -განაცხადა დავით ზალკალიანმა.

მისივე თქმით, საკითხის სენსიტიურობიდან გამომდინარე, ის მზად არის, რომ მომავალში დეპუტატების შესაბამისი მოთხოვნის შემთხვევაში გამოცხადდეს პარლამენტში და განიხილოს ის ნაბიჯები, რაც არაღიარების პოლიტიკის შესანარჩუნებლად იდგმება.

შეგახსენებთ, სირიამ ოკუპირებული აფხაზეთისა და „სამხრეთ ოსეთის“ „დამოუკიდებლობა აღიარა“. ამის შემდეგ საქართველომ სირიის არაბთა რესპუბლიკასთან დიპლომატიური ურთიერთობები გაწყვიტა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა